Қазақстанның экологиялық ұйымдар қауымдастығы жаңартылған Конституцияның азаматтардың қолайлы қоршаған ортаға құқықтарын қамтамасыз етудегі және тиімді экологиялық саясатты қалыптастырудағы рөліне арналған «Таза экологиялық орта – ұлт денсаулығы» атты конференция өткізеді, деп хабарлайды infotabigat.kz.
Іс-шара мемлекет, бизнес және азаматтық қоғам арасындағы ашық диалог алаңына айналып, экологиялық факторлардың халық денсаулығына тікелей әсері және бүгінгі күні қажет жүйелі шешімдер талқыланады.
Конференцияда қозғалатын негізгі тақырыптар:
– жаңа конституциялық нормалар және олардың экологиялық қауіпсіздік пен қоғамдық денсаулық үшін маңызы;
– қоршаған орта сапасының аурулардың алдын алуға әсері;
– денсаулық сақтау жүйесінен тыс салауатты ортаны қалыптастырудағы бизнес пен ESG-тәсілдердің рөлі;
– тұрақты өзгерістер құралы ретіндегі сектораралық өзара іс-қимыл;
– қоғамның экологиялық басқаруға қатысуы және экологиялық демократияны дамыту.
Қазақстандағы Тұрақты даму мақсаттарына қол жеткізу аясында экологиялық күн тәртібін интеграциялауға ерекше назар аударылады. Бұл ретте 40-тан астам индикатор адам құқықтарымен тікелей байланысты, оның ішінде таза ауа мен қауіпсіз ортаға құқық бар. Конференция барысында қатысушылар халықаралық міндеттемелерді, ESG қағидаттарын және ұлттық саясатты халықтың өмір сүру сапасын арттыру үшін қалай үйлестіруге болатынын талқылайды.
Спикерлер қатарында Қазақстан Республикасы Парламентінің, Экология және табиғи ресурстар министрлігінің, Денсаулық сақтау министрлігінің өкілдері, сондай-ақ қоғамдық және бизнес сектор сарапшылары бар.
Іс-шара 28 сәуір 2026 жылы 10:00–13:00 аралығында Astana Hub (Event Hall) өтеді, аккредитация бойынша байланыс: Асыл Окапова, +7 747 383 8301.