Жетісу облысында «Таза Қазақстан» республикалық экологиялық бағдарламасы аясында жыл басынан бері 57 мың көшет отырғызылып, 5 мың тонна қоқыс шығарылды, деп хабарлайды infotabigat.kz облыс әкімінің баспасөз қызметіне сілтеме жасап.
Қоршаған ортаны қорғау және экологиялық мәдениетті қалыптастыру бағытындағы іс-шараларға 77 мың адам қатысқан.
Білім беру ұйымдарында 2024–2026 жылдарға арналған экологиялық білім беру жоспары әзірленіп, «Жасыл клуб» отрядтарының үлгілік ережесі бекітілді.
Бүгінгі таңда мектептерде 339 экологиялық үйірме, 310 «жасыл бұрыш», 114 бау-бақша учаскесі және жылыжай жұмыс істейді, сынып сағаттары мен экскурсиялар ұйымдастырылып жатыр.
Сонымен қатар 177 көпқабатты тұрғын үйдің шатырлары мен қасбеттерін жөндеу,14,7 км арық желілерін салу, 200 шақырым көше жарығын орнату жоспарланған.
Бағдарлама аясында 121 мың көшет отырғызылады.